वेबटिभी खबर
काठमाडौं । बिहीबार देशभर ३ हजार ९३८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार ११,८७० पीसीआर गर्दा ३ हजार ७ र ६,५३८ एन्टीजेन परीक्षण गर्दा ९३१ व्यक्तिमा संक्रमण पुष्टि भएको हो ।
यस अवधिमा २ हजार १२ जना संक्रमणमुक्त भएका छन् भने ३७ जनाको संक्रमणले निधन भएको छ । हाल सक्रिय संक्रमितको संख्या ३४ हजार ४२२ रहेको छ । जसमध्ये होम आइसोलेसनमा ३१,१०८ र ३,३१४ संस्थागत आइसोलेसनमा रहेका छन् । संस्थागत आइसोलेसनमा रहेका मध्ये ७१३ आइसीयूमा र १५८ जना भेन्टिलेटरमा उपचारत छन् ।
हालसम्म नेपाल ७ लाख ७३ हजार ८६० जनामा संक्रमण पुष्टि भएको छ । यससँगै ६ लाख ६३ हजार ६६३ जना संक्रमणमुक्त भएका छन् भने ९ हजार ९९४ जनाको संक्रमणले निधन भएको छ । कोरोना निको हुने दर ९३.७ प्रतिशत रहेको छ ।

Copyright © All right reserved to webtvkhabar.com Site By: Sobij