वेबटिभी खबर
एजेन्सी । आइतबार एकैदिन बेलायतमा १२ हजारभन्दा बढी जनामा ओमिक्रोन भाइरस पुष्टि भएको छ । बेलायतमा हालसम्म ३७ हजार १०१ जनामा कोरोना भाइरसको नयाँ भेरियन्ट ‘ओमिक्रोन’ पुष्टि भएको हो ।
युके हेल्थ सेक्योरिटी एजेन्सीकाअनुसार बेलायतमा आइतबार १२ हजार १३३ जनामा ओमिक्रोन पुष्टि भएको हो । बेलायतमा ओमिक्रोनसँगै डेल्टा भेरियन्ट पनि तिव्र रुपमा फैलिरहेको छ । यहाँ १७ डिसेम्बरमा ९३ हजार ४५ जनामा कोभिड–१९ पुष्टि भएको थियो ।
बेलायतमा बढ्दो संक्रमणदरलाई मध्यनजर गर्दै डेल्टा र ओमिक्रोन भाइरस मिलेर नयाँ भेरियन्ट बनाउन सक्ने विज्ञहरुले आंकलन गरिरहेका छन् । बेलायत हेल्थ सेक्रेटरी साजिद जाविदले आइतबार राति क्रिसमस डेमा लकडाउन हुँदैन भन्ने कुनै ग्यारेन्टी नभएको जनाएका छन् । ओमिक्रोनबारे अध्ययन भइरहेकोले यसबारे स्पष्ट केही भन्न नसकिने जाविदले बताए ।
Copyright © All right reserved to webtvkhabar.com Site By: Sobij
