वेबटिभी खबर
काठमाडौं । नेकपा एमालेका नेता गोकुल बाँस्कोटाले नेपाली कांग्रेसमा गुणात्मक रूपान्तरणको आधार नदेखिएको बताएका छन् ।
१४औं महाधिवेशनबाट उपसभापति र महामन्त्रीसहितका पदमा युवा पुस्ताले कब्जा जमाएपछि धेरैले कांग्रेस पार्टी रूपान्तरणतर्फ अघि बढेको बताइरहँदा बाँस्कोटाले भने त्यसो नदेखिएको टिप्पणी गरेका हुन् ।
उनले कांग्रेसको परिणाम आउँदै गर्दा केहीलाई अब उधुम नै हुन्छ भन्ने भ्रम मात्रै फैलिएको दाबी गरे । ‘कांग्रेसको परिणाम आउँदै गर्दा केही मान्छे अब कांग्रेसमा उधुम नै हुन्छ भन्ठान्दा रहेछन् । तर,मैले नीतिगत परिवर्तन हुने गरी कुनै गुणात्मक रूपान्तरणको आधार देखेको छैन’, बाँस्कोटाले आइतबार ट्विट गरेका छन् ।
कांग्रेस उपसभापितमा युवापुस्ताका धनराज गुरुङ र महामन्त्रीमा गगन थापा र विश्वप्रकाश शर्मा निर्वाचित भएका थिए ।
अरू पदहरूमा पनि युवा पुस्ताका नेताहरूको वर्चस्व देखिएको छ । कांग्रेस पदाधिकारीमा सभापति देउवा र उपसभापति पूर्णबहादुर खड्काबाहेक अरु सबै नयाँ छन् ।
कांग्रेसको परिणाम आउदै गर्दा केही मान्छे अब कांग्रेसमा उधुम नै हुन्छ भन्ठान्दा रहेछन।तर मैले चै नीतीगत परिवर्तन हुने गरी कुनै गुणात्मक रुपान्तरणको आधार देखेको छैन।जितीसकेका र जित्दै गरेकालाई एकमुष्ठ बधाई।
— Gokul Prasad Baskota (@GokulPBaskota) December 19, 2021
Copyright © All right reserved to webtvkhabar.com Site By: Sobij