वेबटिभी खबर
काठमाडौं । हुम्ला जिल्लाको नाम्खा गाउँपालिका–६ तिलगाउँमा सुक्खा पहिरो गएपछि जोखिममा परेका १८ परिवारलाई सुरक्षित स्थानमा सारिएको छ ।
तिलगाउँको उत्तरपट्टिबाट सुक्खा पहिरो झरेर त्यहाँका घरहरूमा क्षति गरेको छ । पहिरो झरेको स्थानमा सशस्त्र प्रहरीको हिल्सास्थित बोर्डर आउट पोष्टबाट आवश्यक विपद् उद्धार सामग्रीसहित टोली पुगेको छ ।
पहिरो के कति कारण आएको हो भन्न खुलेको छैन । पहिरोसँगै लेदो पनि आएकाले माथि रहेको हिमताल फुटेको हुनसक्ने आशंका गरिएको छ । यद्यपि त्यहाँ हिमताल रहे नहरेको भन्ने यकिन भइसकेको छैन । पहिरोबाट धनजनको कुनै क्षति नपुगको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए ।
Copyright © All right reserved to webtvkhabar.com Site By: Sobij
