वेबटिभी खबर
काठमाडौं । पछिल्लो एक सातामा भारतको पूर्वोत्तर क्षेत्रमा कोरोना संक्रमणदर वृद्धि भएको छ । देशको १० प्रतिशतभन्दा धेरै संक्रमण दर भएका प्रत्येक ५ जिल्लामध्ये ३ जिल्ला पूर्वोत्तर राज्यअन्तर्गत पर्छन् ।
केन्द्रीय स्वास्थ्य मन्त्रालयले संकलन गरेको तथ्यांकअनुसार ५ जुलाईदेखि ११ जुलाईको बीचमा ५८ जिल्लामा संक्रमणदर १० प्रतिशतभन्दा धेरै रहेको छ । जसमध्ये ३७ जिल्ला पूर्वोत्तर राज्य हुन् ।
प्रधानमन्त्री नरेन्द्र मोदीले मंगलबार पूर्वोत्तर भारतका आठ राज्यका मुख्यमन्त्रीसँग बढ्दो संक्रमणबारे छलफल गर्न भिडियोमार्फत बैठक गर्दैछन् । स्वास्थ्य मन्त्रालयले ६ जुलाईमा पूर्वोत्तर राज्यलाई अलग अलग पत्र पठाएर चिन्ता व्यक्त गरेको थियो । यसपछि भिडियो कन्फ्रेन्स गरेर राज्यहरुमा पिसिआर परीक्षण, अस्पतालको क्षमता बढाउन आग्रह गरेको थियो ।
मणिपुरमा १४ दशमलव ६९ प्रतिशत, मेघालयमा १४ दशमलव ७७, अरुणाचलमा ६, सिक्किममा २४ दशमलव ९८ प्रतिशत, आसाममा ४ दशमलव ४१ प्रतिशत, त्रिपुरामा ९ दशमलव ३९ प्रतिशत, मिजोरममा ८ दशमलव १५ प्रतिशत संक्रमणदर छ । यस्तै नागाल्यान्डमा ७ दशमलव १४ प्रतिशत पोजेटिभिटी दर छ । भारतका यी राज्यहरु उच्च जनघनत्व भएका राज्य हुन् ।
सत्ताइस दिनपछि भारतमा एकैदिन २ हजार बढीको मृत्यु 
भारतमा कोरोना संक्रमणमुक्त हुनेको संख्या तीन करोड नाघ्यो भारतमा कोरोना संक्रमण बढ्यो 
भारतमा ९७ प्रतिशत काेराेना संक्रमित निकाे भए
Copyright © All right reserved to webtvkhabar.com Site By: Sobij
