वेबटिभी खबर
हुम्ला । बिहीबार दिनभर र रातिसम्मको अविरल परेको वर्षाले सिमकोट गाउँपालिका–७ मा रहेका तीनवटा बस्तीमा क्षति पुर्याएको छ ।
वडा नं ७ डाँडाफया साबिकको वडा नं ५ को टुलिङ र दलित बस्ती चुकेडीमा क्षति पुगेको हो । वर्षापछि यहाँ रहेका तीनवटा बस्ती जोखिममा रहेको स्थानीय मन्दिर सिंहले बताए ।
उनका अनुसार बाढीका कारण यस क्षेत्रका १५ वटा खेतमा लगाएको बाली नष्ट भएको छभने चारवटा पानी घट्टमा क्षति पुगेको छ ।
वडा न ७ को जबुका गाउँमा समेत बालीनाली, खानेपानी पाइप, घट्ट लगायतमा क्षति पुगेको स्थानीय वीरबहादुर सिंहले बताए ।
वर्षाका कारण खेतमा रहेको आल, सिमी, कोदो, फापर, गहुँ, भटमास, तोरीलगायत नष्ट भएको जनाइएको छ ।
Copyright © All right reserved to webtvkhabar.com Site By: Sobij
