वेबटिभी खबर
नयाँ दिल्ली । भारतमा कोरोना भाइरस संक्रमणबाट मृत्यु हुनेको संख्या २७ दिनपछि अचानक बढेको छ । सोमबार २ हजार २४ जनाको भाइरस संक्रमणका कारण ज्यान गएको छ । यसभन्दा अगाडि १६ जुनमा २ हजार ३ सय २९ जनाको मृत्यु भएको थियो ।
सोमबार मृत्यु भएकामध्ये १ हजार ४ सय ८१ जना मध्यप्रदेशका मात्रै हुन् । यी सबै यसभन्दा अगाडि नै मृत्यु भइसकेका संक्रमित रहेको राज्य सरकारले बताएको छ । महाराष्ट्रमा पनि कोरोनाबाट मृत्यु हुनेको संख्या यसरी नै अद्यावधिक गरिएको थियो ।
टाइम्स अफ इन्डियाका अनुसार केही समयअगाडि नै ज्यान गुमाएकाहरुको तथ्यांक राख्न १७ मे देखि सुरु गरिएको थियो । यसपछि जुनको अन्तिम दुई दिन र जुलाईको सुरुवाती २ दिनमा लगातार दुई महिना पुरानो मृत्युका तथ्यांक जोडिएको थियो ।
गत २४ घण्टामा भारतमा ३० हजार ८ सय १८ नयाँ संक्रमित थपिएका छन् । ४८ हजार ९ सय १६ जना संक्रमणमुक्त भएको केन्द्रीय स्वास्थ्य मन्त्रालयले जनाएको छ ।
भारतमा कोरोना संक्रमणमुक्त हुनेको संख्या तीन करोड नाघ्यो 
भारतमा संक्रमित र संक्रमणमुक्त हुने संख्या बराबर भारतमा २४ घण्टामा थपिए ४३ हजार संक्रमित
Copyright © All right reserved to webtvkhabar.com Site By: Sobij
