वेबटिभी खबर
सिरहा । सिरहा जिल्लाको लहान इलाका प्रहरी कार्यालयको हिरासतबाट एकजना थुनुवा फरार भएका छन् ।
गएराति २ लागुऔषध मुद्दामा पक्राउ परेका सिरहाकै नवराजपुर गाउँपालिका १ घर भएका ३५ वर्षीय पशुपति यादव फरार भएका हुन् ।
प्रहरीले यादव हिरासत कक्षको ग्रिल काटेर फरार भएको जनाएको छ ।
फलामे ग्रिल काट्न कठिन हुने भए पनि यादवले कसरी काटे भन्ने विषयमा अनुसन्धान भइरहेको छ ।
यादव जेठ २० गते नै पक्राउ परेका थिए ।
सिरहा प्रहरीका डिएपी सुवास बुढाथोकीले थुनुवा फररा भएको सम्बन्धमा अनुसनधान भइरहेको बताए । फरारको खोजी पनि जारी छ ।
Copyright © All right reserved to webtvkhabar.com Site By: Sobij
