वेबटिभी खबर
वाशिंटन । अमेरिकाका पूर्व राष्ट्रपति डोनाल्ड ट्रम्पले सामाजिक सञ्जाल कम्पनी फेसबुक, ट्विटर र गुगलविरुद्ध अदालत जाने निर्णय गरेका छन् ।
समाचार एजेन्सी एएफपीले यसको पुष्टि गर्दै ट्रम्पले बुधबार फेसबुक, गुगल र ट्विटरविरुद्ध मुद्दा दर्ता गर्ने निर्णय गरेको बताएको छ । न्युजर्सीमा पत्रकारसँग कुरा गर्दै ट्रम्पले यी कम्पनीका उच्चाधिकारी सुन्दर पिचाई, मार्क जुकरबर्ग र ज्याक डोर्सीविरुद्ध पनि मुद्दा दायर गर्ने भनेका छन् ।
यी कम्पनीले गलत तरिकाले आफ्नो आवाज दबाएको आरोप ट्रम्पले लगाएका छन् । यस वर्षको जनवरीमा अमेरिकी संसद भवनमा ट्रम्प समर्थकले हमला गरेपछि उक्त घटनाको जिम्मेवार ट्रम्प भएको भन्दै सामाजिक सञ्जालले उनका खाता बन्द गरेका थिए ।
सामाजिक सञ्जाल फेसबुक, ट्विटर, युट्युबलगायतले प्रतिबन्ध गरेको चार महिनापछि मे ५ मा ट्रम्पले डोनाल्डजेट्रम्प.कम (www.donaldjtrump.com) नामक वेबसाइट सञ्चालन गरेका थिए । ट्रम्पका तस्बिर, भिडियो, विज्ञप्ति र सन्देशहरु बाँड्नका लागि उक्त वेबसाइट सुरु गरेको बताइएको थियो । तर जुन महिनामा नै उनकाे वेबसाइट बन्द भयाे ।
ट्रम्पको फेसबुक खाता दुई वर्षका लागि निलम्बन 
डोनाल्ड ट्रम्पको सञ्चार वेबसाइट स्थायी रुपमा बन्द फेसबुक, ट्विटरको प्रतिबन्धमा परेका डोनाल्ड ट्रम्पले सुरु गरे आफ्नै वेबसाइट
Copyright © All right reserved to webtvkhabar.com Site By: Sobij
