एजेन्सी
नयाँ दिल्ली । तमिलनाडुका पूर्व पुलिस महानिर्देशक (डीजीपी) राजेश दासलाई एक जना महिला प्रहरी अधिकृतलाई यौन दुर्व्यवहार गरेको आरोपमा तीन वर्ष कैद सजाय भएको छ ।
महिला प्रहरी अधिकारीलाई यौन दुर्व्यवहार गरेको आरोपमा तमिलनाडु राज्यकाे विल्लुपुरम अदालतले उनलाई शुक्रबार दोषी ठहर गर्दै तीन वर्ष श्रमसहितको कैद सुनाएके हो । आरोप लागेपछि दासलाई यसअघि नै निलम्बन गरिएको थियो ।
दुर्व्यवहारमा परेकी महिला आईपीएस अधिकृतले सन् ३०२१ को फेब्रुअरीमा उजुरी दर्ता गरेकी थिइन । उजुरी पछि छानविनका क्रममा सँगै कार्यरत प्रहरीसहित ६८ जनासँग बयान लिएर दासमाथि अभियोग पत्र दायर गरिएको थियो ।
Copyright © All right reserved to webtvkhabar.com Site By: Sobij
