वेबटिभी खबर
ब्राजिलिया । कोपा अमेरिका फुटबल प्रतियोगिताको उद्घाटन खेलमा आयोजक ब्राजिलसँग प्रतिस्पर्धा गर्ने भेनेजुएला टिमका १२ जना खेलाडी कोरोना भाइरसबाट संक्रमित भएको ब्राजिलका स्वास्थ्य अधिकारीले बताएका छन् ।
ब्राजिलियाको स्वास्थ्य सचिवालयले एक विज्ञप्तिमा खेलाडी र टिमका अन्य स्टाफ गरेर १२ जनामा संक्रमण पुष्टि भएको भनिएको छ । ब्राजिल पुगेको भेनेजुएलाको टिममा ९ खेलाडी र ३ जना कोचिङ स्टाफलाई कोरोना देखिएको हो ।
दक्षिण अमेरिकी फुटबल संघले शुक्रबार राति भेनेजुएलाको टोली ब्राजिल पुगेलगत्तै स्थानीय स्वास्थ्य अधिकारीहरुलाई खेलाडी संक्रमित हुन सक्ने बारे जानकारी दिएको थियो ।
स्थानीय स्वास्थ्य अधिकारी र फुटबल संघकाे निगरानीमा अलग्गै बसेका सबै संक्रमित खेलाडी र कर्मचारीकाे अवस्था सामान्य छ ।
भेनेजुएला फुटबल टोलीले ब्राजिलियाको माने गेरिंचा स्टेडियममा आइतबार साँझ ब्राजिलसँग उद्घाटन खेल खेल्ने छ । भेनेजुएलाले थप १५ खेलाडीलाई कोरोना लागेका खेलाडीको स्थानमा खेल्न टिममा बोलाएको छ ।
असन्तुष्ट ब्राजिल फुटबल टिम कोपा अमेरिकामा सहभागी हुने 
ब्राजिलमा कोपा अमेरिका फुटबल स्थगित गर्न संसदीय आयोगकाे सुझाव 
कोपा अमेरिका फुटबल ब्राजिलमा हुने
Copyright © All right reserved to webtvkhabar.com Site By: Sobij
