वेबटिभी खबर
काठमाडौं । जनता समाजवादी पार्टी, नेपाल (जसपा) का अध्यक्ष महन्थ ठाकुरले मधेसका मागलाई प्रधानमन्त्री केपी ओलीले अघि बढाएकाले सरकारमा सहभागी भएको बताएका छन् ।
जसपा पार्टी कार्यालयमा शनिवार नवनियुक्त मन्त्रीहरूलाई गरिएको स्वागत कार्यक्रममा अध्यक्ष ठाकुरले आफूहरूको केही माग पूरा भएकोले सरकारमा सहभागी भएको बताए ।
केही माग पूरा हुन बाँकी रहे पनि सकेसम्म पूरा गर्ने आश्वास प्रधानमन्त्रीबाट आएको उनले बताए । अध्यक्ष ठाकुरले रेशम चौधरीको मुद्दा, नागरिकता लगायतका विषय सरकारबाट सम्बोधन हुने क्रममा रहेको उल्लेख गरे ।
कार्यक्रममा जसपा वरिष्ठ नेता एवम् उपप्रधान तथा शहरी विकासमन्त्री राजेन्द्र महतोले संविधानमा आवश्यक संशोधनको कामका लागि सरकारमा बसेर पहल गर्ने बताए ।
महतोले अर्को प्रसंगमा पार्टीे विभाजन हुने अवस्था देखिएकाले निर्वाचन आयोगबाट वधानिकता लिने स्पष्ट पारे ।
नवनियुक्त मन्त्रीहरूले पार्टी नीतिअनुरुप काम गर्नुपर्ने जोड दिँदै महतोले हिमाल, पहाड र तराईका क्षेत्रबाट जसपाप्रति भरोसा जाग्ने गरी जनताको सेवामा लाग्ने बताए ।
Copyright © All right reserved to webtvkhabar.com Site By: Sobij