Logo

२०८३, मंसिर २ गते मंगलवार

२०८३, मंसिर २ गते मंगलवार

कोरोना भाइरसको 'नेपाली भेरियन्ट' भनेर नामाकरण गरिएको छैनः स्वास्थ्य मन्त्रालय

कोरोना भाइरसको 'नेपाली भेरियन्ट' भनेर नामाकरण गरिएको छैनः स्वास्थ्य मन्त्रालय

  • 623
    SHARES
  • कोरोना भाइरसको 'नेपाली भेरियन्ट' भनेर नामाकरण गरिएको छैनः स्वास्थ्य मन्त्रालय

    काठमाडौं । स्वास्थ्य तथा जनसंख्या मन्त्रालयले अहिलेसम्म 'नेपाल भेरियन्ट' भनी पुष्टि नभएको जनाएको छ । बेलायतको एक अनलाइनमा नेपालमा भेटिएको कोरोना भाइरसको नयाँ भेरियन्ट युरोपमा फैलने जोखिम रहेको खबरप्रति मन्त्रालयको गम्भीर ध्यानाकर्षण भएको मन्त्रालयका प्रवक्ता डा.कृष्ण पौडेलले जानकारी दिए ।

    प्रवक्ता डा.पौडेलकाे भनाइमा अहिलेसम्म 'नेपाल भेरियन्ट' भनी पुष्टि नभएको र यसबारे विश्व स्वास्थ्य संगठन (डब्ल्यूएचओ) ले समेत आधिकारीक धारणा सार्वजनिक गरेकाे छैन ।

    डा.पौडेलले नेपालमै कोरोनाको भेरियन्टको उत्पत्ति भएकोबारे कतैबाट पुष्टि नभएको जानकारी दिए । उनकाअनुसार अहिलेसम्म नेपालमा भेटिएको भेरियन्टबारे कसैले पनि अध्ययन गरेकाे छैन । नेपालमा 'डेल्टा' र 'अल्फा' भेरियन्ट देखिएको हाे ।  

    डब्ल्यूएचओले भेरियन्टको नामाकरण गरेपछि युके, भारतमा देखिएको भेरियन्टलाई (डेल्टा) र (अल्फा) भनिएको हो ।बेलायतको डेलीमेल अनलाइनमा नेपालमा कोरोनाको नयाँ भेरियन्ट देखिएको र यो युरोपमा पनि फैलिसकेको भनी समाचार प्रकाशित भएको छ । समाचारमा 'नेपाली भेरियन्ट' युरोपमा फैलिएको र यसले बेलायतमा पनि जोखिम बढाएको उल्लेख गरिएको छ ।

    डब्ल्यूएचओले नेपालमा कोरोनाको कुनै पनि प्रजातिको नयाँ भेरियन्ट भेटिएकोबारे जानकारी नभएको जनाएको छ ।
    डब्ल्यूएचओको नेपालस्थित कार्यालयले बिहीबार सामाजिक सञ्जालमार्फत भनेको छ,‘नेपालमा सार्स-कोभ-२ को नयाँ भेरियन्ट फेला परेको भन्ने कुरामा विश्वस्वास्थ्य संगठन अवगत छैन ।’

    हाल नेपालमा अल्फा (बी.१.१.७), डेल्टा (बी.१.६१७.२) र कप्पा (बी.१.६१७.१) भेरियन्ट देखिएको छ । तीन भेरियन्टमध्ये नेपालमा हाल सक्रिय रहेको भेरियन्ट डेल्टा (बी.१.६१७.२) रहेको जनाएको छ ।

    Copyright © All right reserved to webtvkhabar.com Site By: Sobij