वेबटिभी खबर
काठमाडौं । सुनकोशी नदीमा माछा मार्ने क्रममा बेपत्ता भएका दुई किशोरमध्ये एकको शव मंगलबार प्रहरीले फेला पारेको छ ।
सोमबार दिउँसो सुनकोशी नदीमा माछा मार्ने क्रममा वेपत्ता भएका दुई किशोरमध्ये एक जनाको शव सशस्त्र प्रहरीको गोताखोरले फेला पारेको हो ।
काभ्रेचौंरी गाउँपालिका वडानम्बर ८ बिर्तादेउरालिस्थित सुनकोशी नदीमा सोही जिल्लाको तेलाम गाउँपालिका २ बस्ने २१ वर्षीय सुजित तामाङ र सोही गाउँपलिका वडानम्बर ३ बस्ने वर्ष २२ का दिलध्वज तामाङ बेपत्ता भएका थिए ।
सशस्त्र प्रहरी बलको नम्बर २० विपद् उद्धार उपत्यका गण र नम्बर १५ गण काभ्रेबाट खटेको गोताखोरले मंगलबार दिउँसो सुजित तामाङको शव नदीबाट निकालेको हो ।
बेपत्ता अर्का किशोर दिलध्वजको खोजीकार्य भइरहेको प्रहरीले जानकारी दिएको छ ।
Copyright © All right reserved to webtvkhabar.com Site By: Sobij
