वेबटिभी खबर
काठमाडौं । शिवम् सिमेन्टले मदन भण्डारी स्वास्थ्य विज्ञान प्रतिष्ठान हेटौंडा अस्पताललाई १ सय ९० थान अक्सिजन सिलिन्डरसहित विभिन्न स्वास्थ्य सामग्री प्रदान गरेको छ ।
कम्पनीले कोरोना संक्रमितको उपचारमा सहयोग पुग्ने उद्देश्यले प्रतिष्ठानलाई स्वास्थ्य सामग्री स्वास्थ्य सामग्री उपलब्ध गराएको हो ।
हेटौंडा उपमहानगरपालिको हटियामा अवस्थित प्रतिष्ठानलाई १ सय २० थान भरिएका तथा ७० थान खालीसमेत गरी १ सय ९० थान सिलिन्डर, ३० थान मेडिकल बेड, पाँच थान सीसीयू बेड र बेडमा जडान गरिने मेडिकल मोनिटरहरु प्रदान गरेको हो ।
आफ्नो संस्थागत सामाजिक उत्तरदायित्वअन्तर्गत उक्त स्वास्थ्य सामग्रीहरु हस्तान्तरण गरेको कम्पनीले बताएको छ ।
यस अगाडि पनि कम्पनीले यस किसिमको महामारी, दैविप्रकोप, राहत सामग्रीहरु, स्वास्थ्य सामग्री, एम्बुलेन्स हस्तान्तरणसहित विभिन्न कार्यहरुमा आफ्नो सामाजिक संस्थागतदायित्व निर्वाह गर्दै आइरहेको छ ।
Copyright © All right reserved to webtvkhabar.com Site By: Sobij
