वेबटिभी खबर
नेपालगञ्ज । बाँकेमा थप सातजना कोरोना संक्रमितको मृत्यु भएको छ । मृतकमा तीनजना बर्दिया, दुईजना बाँके तथा रोल्पा र कैलालीका एक-एकजना रहेका छन् ।
बाँके नेपालगञ्ज उपमहानगरपालिका वडा नम्बर १९ का ६० वर्षीय पुरुषको भेरी अस्पतालमा मृत्यु भएको छ । वैशाख २८ गते पीसीआर गरिएका उनलाई जेठ १ गते भर्ना गरिएको थियो ।
भेरी अस्पतालमै कोहलपुर नगरपालिका वडा नम्बर १५ का ६७ वर्षीय पुरुषको मृत्यु भएको छ । वैशाख ३१ गते पीसीआर गरिएका उनलाई त्यही दिन भर्ना गरिएको थियो ।
बर्दिया मधुवन नगरपालिका वडा नम्बर ९ का ७१ वर्षीय पुरुषको भेरीमा मृत्यु भएको छ । वैशाख २५ गते पीसीआर गरिएका उनलाई २९ गते भर्ना गरिएको थियो ।
बर्दिया बढैयाताल गाउँपालिका वडा नम्बर १ का ५० वर्षीय पुरुषको भेरी अस्पतालमै मृत्यु भएको छ । वैशाख २७ गते पीसीआर गरिएका उनलाई ३० गते भर्ना गरिएको थियो ।
यसैगरि बर्दिया बढैयाताल गाउँपालिका वडा नम्बर २ का ८७ वर्षीय पुरुषको भेरीमा मृत्यु भएको छ । वैशाख २८ गते पीसीआर गरिएका उनलाई त्यही दिन भर्ना गरिएको थियो ।
यस्तै कैलाली गौरीगंगा गाउँपालिका वडा नम्बर ४ का ५२ वर्षीय पुरुषको मेडिकल कलेज कोहलपुरमा मृत्यु भएको छ । वैशाख १६ गते कैलालीमा पीसीआर गरिएका उनलाई २३ गते भर्ना गरिएको थियो ।
रोल्पा रुम्टीगढीका ३५ वर्षीय पुरुषको भेरीमा मृत्यु भएको छ । वैशाख २५ गते दाङमा पीसीआर गरिएका उनलाई २९ गते भेरीमा भर्ना गरिएको थियो ।
योसँगै बाँकेमा कोरोनाबाट दुई सय ३४ जनाको मृत्यु भएको छ ।
Copyright © All right reserved to webtvkhabar.com Site By: Sobij