वाशिंटन । अमेरिकी राष्ट्रपति जो बाइडेनले नयाँ निर्देशन जारी गर्दै सार्वजनिक ठाउँमा पनि विना मास्क हिँड्न सक्ने बताएका छन् । राष्ट्रपति कार्यालय ओभलमा सांसदहरुको अगाडि मास्क हटाउँदै बाइडेनले नयाँ नियमबारे जानकारी गराएका हुन् । 

तर पनि अझै भीडभाड स्थानहरू जस्तै बस र विमानस्थलहरु वा अस्पतालहरूमा मास्क लगाउन आग्रह गरिएको छ । यस अघि खाेप लगाइसकेका व्यक्तिहरू मास्कविना पनि हिँड्न सक्ने अधिकारीहरूले बताएका थिए । यसपछि बाइडेन प्रशासनलाई खोप लगाइसकेका व्यक्तिलाई लक्षित गरी कोभिड १९ सम्बन्धी प्रतिबन्ध हटाउन दबाब थियो । 

Big news from the CDC: If you’re fully vaccinated, you do not need to wear a mask – indoors or outdoors, in most settings.

We’ve gotten this far. Whether you choose to get vaccinated or wear a mask, please protect yourself until we get to the finish line. pic.twitter.com/XI4yPmhWaD

— The White House (@WhiteHouse) May 13, 2021

यसैबीच, अमेरिकी शिक्षक संघ मजदुर युनियनले पनि आउँदो समयमा स्कूलहरू पूर्ण रूपमा खोल्न सिफारिस गरेको छ । १२ देखि १५ वर्षका बालबालिकाका लागि फाइजरको खोप लगाउन अनुमति दिएपछि विद्यालय खोल्न युनियनले सिफारिस गरेको हो । 

अमेरिका कोरोना भाइरसबाट सबैभन्दा बढी प्रभावित देश हो । त्यहाँ संक्रमणबाट सबैभन्दा बढी तीन लाख मानिसको मृत्यु भएको छ । पछिल्ला केही साता यता कोरोना संक्रमणमा कमी आएपछि लागू गरिएका प्रतिबन्धहरु क्रमशः हटाउँदै गएको छ । 

सरकारी तथ्यांकअनुसार सेप्टेम्बर २०२० पछि अमेरिकामा यतिवेला सबैभन्दा थोरै व्यक्ति संक्रमित भएका छन् । कोरोनाबाट हुने मृत्युको संख्या पनि गत वर्ष अप्रिलपछि सबैभन्दा न्यून तहमा पुगेको छ ।

अमेरिकामा बालबालिकालाई पनि खोप लगाउन सुरु  अमेरिकामा खोप लगाएका व्यक्तिले मास्क लगाउन नपर्ने