वेबटिभी खबर
काठमाडौं । नेपालमा पछिल्लो २४ घण्टामा ९ हजार ४ सय ८३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएकाे जानकारीअनुसार २१ हजार ३ सय १६ जनामा परीक्षण गर्दा उक्त संख्यामा कोरोना पुष्टि भएको हो ।
यसै अवधिमा ५ हजार २ सय २५ जना कोरोना संक्रमणमुक्त भएका छन् भने २ सय २५ जनाले ज्यान गुमाएका छन् ।
हाल कोरोना सक्रिय संक्रमितको संख्या ९७ हजार ८ छ ।
हालसम्म ४ लाख १३ हजार १ सय ११ जनामा संक्रमण पुष्टि भएको छ । त्यसैगरी ३ लाख १२ हजार १९ जनाले काेराेना जितेका छन् ।
काेराेनाकै कारणले अहिलेसम्म ४ हजार ८४ जनाले ज्यान गुमाएका छन् ।
कोरोनाबाट निको हुने दर घटेर ७५.५ प्रतिशतमा झरेको छ ।
Copyright © All right reserved to webtvkhabar.com Site By: Sobij
