वेबटिभी खबर
काठमाडौं । बैतडी, झापा र कास्कीमा गरि तीनजना मृत फेला परेका छन् ।
बैतडीको पुर्चाैडी नगरपालिका-६ भूमिराज घर भएका पदम साउदकी ७ वर्षीया छोरी रेश्मी साउद मंगलबार मृत फेला परेकी छिन् ।
पुर्चाैडी नगरपालिका-५ पुवाकोटस्थित मावली घरमा बस्दै आएकी उनी सोही ठाउँस्थित धौलपहिरा खोलामा नुहाउने क्रममा बेपता भएकी थिइन् ।
खोजी गर्ने क्रममा खोलाबाट करिब ६ किलोमिटर तल उनको शव फेला परेको हो ।
यसैगरी झापाको मेचीनगर नगरपालिका-१ जिमी गाउँ बस्ने ५० वर्षीय भिमबहादुर तामाङ सोही ठाउँस्थित तिरिङखोलाको भिरमा मंगलबार मृत फेला परेका छन् ।
त्यस्तै कास्कीको पोखरा महानगरपालिका-१७ महत गौडास्थित फुस्रे खोलाको बीच भागमा हाल पहिचान नखुलेका करिब ५५ वर्षीय पुरूष मंगलबार मृत अवस्थामा फेला परेका छन् ।
सबै घटनाका सम्बन्धमा प्रहरीले थप आवश्यक अनुसन्धान गरिरहेको छ ।
Copyright © All right reserved to webtvkhabar.com Site By: Sobij
