वेबटिभी खबर
काठमाडौं । इलाका प्रहरी कार्यालय कोहलपुरको मुद्दा शाखामा कार्यरत असई प्रविण चौलागाईविरूद्ध बलात्कार मुद्दा दर्ता भएको छ । शनिबार पीडित महिलाले जिल्ला प्रहरी कार्यालय नेपालगन्ज पुगेर असई चौलागाईविरूद्ध बलात्कार मुद्दा दर्ता गराएकी हुन् ।
गत साउन ११ गते बहुबिवाह मुद्दामा पक्राउ परेपछि इलाका प्रहरी कार्यालय कोहलपुरको हिरासतमा राखिएकी ती महिलालाई शुक्रबार बिहान २ बजे (मध्यराति) असई चौलागाईले आफ्नो कोठमा लगेर यौन बलात्कार गरेको ती महिलाकाे आरोप छ । घटना लगत्तै असई चौलागाईलाई पक्राउ गरिएकाे थियाे ।
चौलागाईले डिउटीका प्रहरीलाई भनेर ती महिलालाई मध्यरातमा सोधपुछको वहाना बनाई आफ्नो कोठामा लगेका थिए । त्यो सबै नियालीरहेका हिरासतका अन्य व्यक्तिले मध्यरातमै होहल्ला गर्दै घटनाको बिरोध गरेका थिए ।
असई चौलागाईंलाई थुनामा राखेर घटनाबारे अनुसन्धान भइरहेको प्रहरीले जानकारी दिएको छ ।
Copyright © All right reserved to webtvkhabar.com Site By: Sobij
