वेबटिभी खबर
काठमाडौं । काठमाडौं, कास्की र बाजुरामा तीन जना मृत फेला परेका छन् ।
काठमाडौंको बूढानिलकण्ठ नगरपालिका-३ बूढानिलकण्ठ मन्दिर नजिकै सडक पेटीमा ३७ वर्षीय सम्राट नगरकोटी बिहीबार मृत फेला परेका छन् ।
उनी सोही मन्दिर परिसरमा बिगत केही महिना अगाडिदेखि बस्दै आएका थिए ।
कास्कीको पोखरा महानगरपालिका-२५ हेम्जास्थित मानव सेवा आश्रममा ५२ वर्षीय राम बहादुर गुरुङ बिहीबार मृत फेला परेका छन् ।
रूपा गाउँपालिका-६ रुपाकोट घर भएका गुरुङ २०७८ पुस २८ गतेदेखि उक्त आश्रममा बस्दै आएका थिए ।
बाजुराको स्वामीकार्तिक खापर गाउँपालिका-२ बालुवास्थित कर्णाली नदीको किनारमा हाल पहिचान नखुलेका पुरुष बिहीबार मृत फेला परेका छन् ।
तीनवटै घटनाका सम्बन्धमा प्रहरीले थप अनुसन्धान गरिरहेको छ ।
Copyright © All right reserved to webtvkhabar.com Site By: Sobij
