वेबटिभी खबर
हेटौंडा । मकवानपुरमा थप एक कोरोना संक्रमितको मृत्यु भएको छ । गए राति हेटौंडा अस्पतालमा एक संक्रमितको मृत्यु भएको अस्पतालको कोभिड वार्डले जानकारी दिएको छ ।
अस्पतालको कोभिड १९ उपचारकक्षको भेन्टिलेटरमा राखेर उपचार गर्ने क्रममा हेटौंडा–१ का ५५ वर्षीय पुरुषको राति साढे ९ बजे मृत्यु भएको हेटौंडा अस्पतालमा प्रमुख डा प्रवीन श्रेष्ठले जानकारी दिए ।
उनका अनुसार मृतक पुरुषलाई हिजो मात्रै कोरोना संक्रमण पुष्टि भएको थियो । यससँगै मकवानपुरमा मृत्यु हुने कोरोना संक्रमितको संख्या ३४ पुगेको छ भने संक्रमण बढ्दो छ ।
मकवानपुरमा आइतबारमात्रै २११ जनामा कोरोना संक्रमण पुष्टि भएको थियो ।
Copyright © All right reserved to webtvkhabar.com Site By: Sobij