वेबटिभी खबर
भरतपुर । चितवनमा बढ्दो कोरोना संक्रमण र निषेधाज्ञाको घोषणासँगै नेपाल पत्रकार महासंघ चितवनले हेल्प डेस्क (सहायता कक्ष) स्थापना गरेको छ ।
नेपाल पत्रकार महासंघ चितवनले कोरोना महामारीको समयमा चितवनका पत्रकारलाई केही समस्या परेमा तत्काल समाधानका लागि सो डेस्क स्थापना गरेको जनाएको छ ।
पत्रकार महासंघ चितवनका अध्यक्ष नारायण अधिकारीकाअनुसार महासंघ सचिव दीपेन्द्र अधिकारीको संयोजकत्वमा गठित डेस्कको सदस्यमा सहसचिव उर्गेन तामाङ र विप्लव काफ्ले छन् ।
पत्रकारलाई कुनै समस्या परेमा संयोजक अधिकारी वा सदस्यद्वयलाई तत्काल सम्पर्क गर्नसमेत महासंघ चितवनले आग्रह गरेको छ ।
Copyright © All right reserved to webtvkhabar.com Site By: Sobij
