वेबटिभी खबर
काठमाडौं । कर्णाली प्रदेशका सात जिल्लामा शुक्रबारदेखि विद्युत् अवरूद्ध छ । कोहलपुर–सुर्खेत खण्डको ३३ केभी लाइनमा समस्या हुँदा विद्युत् सेवा अवरूद्ध भएको हो ।
शुक्रबार दिउँसो आएको हावाहुरीसहितको पानीले कोहलपुर-सुर्खेत खण्डको ३३ केभी लाइनमा विद्युत् सेवा अवरूद्ध भएको छ । राष्ट्रिय प्रशारण लाइन जोडिएका कर्णालीका सुर्खेत, दैलेख, जुम्ला, कालिकोट, जाजरकोट, सल्यान र रुकुमपश्चिममा विद्युत् सेवा अवरूद्ध भएको छ ।
नेपाल विद्युत् प्राधिकरण सुर्खेतकाअनुसार जिल्लाभरका विभिन्न ठाउँमागरी करिब एक सय पोलहरू ढलेका जनाएको छ ।
Copyright © All right reserved to webtvkhabar.com Site By: Sobij
