वेबटिभी खबर
रुकुम (पूर्व) । रुकुम (पूर्व) मा ट्रयाक्टर दुर्घटना हुँदा एकजनाको मृत्यु भएको छ । भूमे गाउँपालिका-४ करालबगरमा ट्रयाक्टर दुर्घटना हुँदा एकजनाको मृत्यु भएको हो । उक्त दुर्घटनामा चारजना घाइते भएका छन् ।
मंगलबार बेलुकी करिब ६ बजे भूमेबाट रुकुमकोटतर्फ आउँदै गरेको ट्रयाक्टर दुर्घटना हुँदा भूमे-८ का १९ वर्षीय सुनिल रोकाको मृत्यु भएको जिल्ला प्रहरी कार्यालयका प्रहरी निरीक्षक दीपेन्द्र बानियाँले जानकारी दिएका छन् ।
रा १ च ३२४५ नम्बरकाे ट्रयाक्टर दुर्घटना हुँदा गम्भीर घाइते भएका रोकाको उपचारका लागि दाङ लैजाँदै गर्दा बाटोमै मृत्यु भएको हो । घाइते हुनेमा ट्रयाक्टर चालकसहित चारजना रहेको छन् ।
प्रहरी निरीक्षक बानियाँकाअनुसार अर्का भूमे-८ कै १९ वर्षीय सुन्दर रोकाको दाङमा उपचार भइरहेको छ । बाँकी तीनजनाको उपचार जिल्लास्थित अस्पतालमै भइरहेको बानियाँले बताए ।
ट्रयाक्टर अनियन्त्रित भएर दुर्घटनामा परेको प्रारम्भिक अनुसन्धानबाट खुलेको प्रहरी निरीक्षक बानियाँको भनाइ छ । ट्रयाक्टर सडकदेखि करिब ३०० मिटर तल खसेको थियो ।
Copyright © All right reserved to webtvkhabar.com Site By: Sobij
