काठमाडौं । प्रहरीले मानव बेचविखन तथा ओसारपोसार एवं संगठित अपराध मुद्दाका फरार प्रतिवादीलाई काठमाडौंबाट पक्राउ गरेको छ ।
प्रहरीको केन्द्रीय अनुसन्धान ब्यूरो (सीआइबी) ले काठमाडौको तिलगंगामा लुकीछिपी बसिरहेको अवस्थामा प्रतिवादी ३८ वर्षीय जगत बहादुर राई (राजन)लाई पक्राउ गरेको हो । मानव बेचविखन तथा ओसारपोसार एवं संगठित अपराध मुद्दामा उच्च अदालत पाटनको फैसलाले १० वर्ष कैद र ५० हजार जरिवाना ठहर गरेको थियाे ।
खाडी मुलुक ओमानमा घरेलु कामदारको रोजगारी दिलाउने प्रलोभनमा २०७३ मा पीडितलाई ओमानको सीमावर्ती क्षेत्रमा बन्धक बनाएर शारीरिक मानसिक र आर्थिक शोषण गरेको आरोपमा उक्त सजाय फैसला भएको थियो ।
पक्राउपछि उनलाई डिल्लीबजार कारागार पठाईएको ब्युरोले जनाएको छ ।
Copyright © All right reserved to webtvkhabar.com Site By: Sobij