वेबटिभी खबर
नयाँ दिल्ली । भारतमा कोरोना भाइरसको नयाँ संक्रमित थपिने दर केही दिन देखि ओरालो लागेको छ ।
सोमबार रातिसम्म गरिएको परीक्षण नतिजाअनुसार पछिल्लो २४ घण्टामा २ लाख ५२ हजार ७७४ नयाँ संक्रमित थपिएको भारतीय संचारमाध्यमले जनाएका छन् । अघिल्लो दिनको तुलनामा भारतमा सक्रिय संक्रमितको संख्यामा ५३ हजार घटेको हो । लगातार चौथौ दिन पनि भारतमा सक्रिय संक्रमितको संख्यामा कमी आएको हो ।
पछिल्लो २४ घण्टामा ६०७ जनाको कोरोना संक्रमणको कारण ज्यान गुमाएको भारतको केन्द्रीय स्वास्थ्य मन्त्रालयले जनाएको छ । यद्यपी, यस अवधिमा २ लाख ६६ हजारले कोरोनालाई परास्त गर्न सफल भएका छन् ।
हाल भारतमा सक्रिय संक्रमितको संख्या २२ लाख २८ हजार रहेका छन् ।
भारतको कर्नाटक, केरला, महाराष्ट्र, तमिलनाडु र गुजरात राज्यमा बढी संक्रमित पाइएको छ ।
Copyright © All right reserved to webtvkhabar.com Site By: Sobij
