काठमाडौं । घण्टाघरस्थित त्रिचन्द्र कलेज अगाडि प्रर्दशनकारी र प्रहरीबीच झडप भएको छ । पेट्रोलियम पदार्थको मूल्य वृद्धिको विरोधमा उत्रिएका नेविसंघमा आवद्ध विद्यार्थीहरू र प्रहरीबीच झडप भएको हो ।
प्रर्दशनकारीले प्रहरीमाथि ढुङ्गा तथा इट्टा प्रहार गरेपछि स्थिति केही समय तनावग्रस्त बनेको थियो । नेपाल आयल निमगले आइतबार राति १२ बजेबाट लागू हुनेगरि पेट्रोलको मूल्य बढाएको थियो ।
निगमले पेट्रोल, डिजेल र मट्टितेलको साविकको खुद्रा बिक्री मूल्यमा प्रतिलिटर २ रुपैयाँले वृद्धि गरेको छ । नयाँ मूल्यअनुसार पेट्रोलको खुद्रा बिक्री मूल्य १२० र डिजेल तथा मट्टितेलको १०३ रुपैयाँ पुगेको छ ।
Copyright © All right reserved to webtvkhabar.com Site By: Sobij
