हेटौंडा । मकवानपुरमा शनिबार साँझ ५ बजे राक्सिराङ गाउँपालिका १ स्थित गाल्छाराङस्थित बारीमा लुकाइ राखेको १८ क्विन्टल गाँजा जलाएर नष्ट गरी कार्यालय फर्किँदै गर्दा प्रहरी टोलीमाथि स्थानीयले आक्रमण गरेका छन् । इलाका प्रहरी कार्यालय नेवारपानीको टोलीमाथि आक्रमण भएको हो ।
जिल्ला प्रहरी कार्यालयका अनुसार कुपिनटारस्थित सडकमा स्थानीयहरूले अवरोध गरेका थिए । प्रहरी तथा उनीहरुको सवारीमाथि आक्रमण भएपछि स्थितिलाई नियन्त्रणमा लिन प्रहरीले दुई राउन्ड हवाइ फायरसमेत गरेको थियो ।
सशस्त्र प्रहरी र नेपाल प्रहरीको टोलीले स्थितिलाई नियन्त्रणमा लिएको थियो । प्रहरीको काम कारबाहीमा अवरोध पुर्याएको आरोपमा प्रहरीले राक्सिराङ गाउँपालिका–१ ४३ वर्षीय कान्छालाल रूम्बालाई पक्राउ गरेको छ ।
प्रहरीले गाँजा फेला परेको विषयमा अनुसन्धान गरिरहेको छ ।
Copyright © All right reserved to webtvkhabar.com Site By: Sobij