वेबटिभी खबर
काठमाडौं । लोकतान्त्रिक समाजवादी पार्टी, नेपाल (लोसपा) का वरिष्ठ नेता राजेन्द्र महतोले छठ पर्वको विषयमा जनकपुरमा भएको विवाद वार्ताबाट समाधान गर्नुपर्ने बताएका छन् ।
जनकपुर उपमहानगरपालिका-२० देवपुरा रुपैठामा छठ पर्वको विषयमा दुई समुदायबीच विवाद भएको छ । त्यसले समाजिक सद्भाव खल्वल्याउने भन्दै महतोले चिन्ता प्रकट गरेका छन् ।
स्थानीय एक पोखरीमा छठको घाट बनाउने विषयमा दुई पक्षबीच सामान्य धक्कामुक्की भएपछि विवाद चर्किएको हो । विवाद भएको ठाउँ महतोको निर्वाचन क्षेत्रमा पर्छ । घाट निर्माणका बेला भएको विवाद चर्किंदै गएपछि शनिबारदेखि स्थानीय प्रशासनले सो क्षेत्रमा निषेधाज्ञा जारी गरेको छ ।
जनकपुरमा हिन्दु र मुस्लिम समुदायबीच झडप
उनले आइतबार प्रेस विज्ञप्ति जारी गर्दै दुई समुदायबीच पौराणिककाल देखिनै सामाजिक सौहार्दता रहँदै आएकोले वार्ता र सम्वादबाटै समस्या समाधान गर्न आग्रह गरेका छन् ।
उनले त्यहाँ विवाद उत्पन्न भएपछि स्थानीय प्रशासनसँग नियमित संवादमा रहेको पनि उल्लेख गरेका छन् । उनले दुबै समुहलाई धैर्यता अपनाउन आग्रह गर्दै वार्ता र सम्वादको माध्यमबाटै समाधान खोज्न अनुरोध गरेका छन् ।

Copyright © All right reserved to webtvkhabar.com Site By: Sobij