न्युयोर्क । विद्युतीय कार निर्माता कम्पनी टेस्लाको शेयर मूल्यमा गिरावट आएको छ ।
कम्पनीका मालिक एलन मस्कले गरेको एउटा मत सर्वेक्षणमा ट्विटर प्रयोगकर्ताले मस्कले १० प्रतिशत शेयर बिक्री गर्नुपर्ने बताएपछि कम्पनीको शेयर मूल्यमा ४ दशमलब ९ प्रतिशले गिरावट आएको हो ।
ट्विटरमा भएको एउटा मत सर्वेक्षणका मतदाताहरूले मस्कलाई १० प्रतिशत शेयर बिक्री गरेर कर तिर्न अनुरोध गरेका थिए । मस्कले करिव २१ अर्ब डलर बराबरको शेयर बेच्नुपर्ने हुन सक्छ ।
मस्कले सञ्चालन गरेको सर्वेक्षणमा ३५ लाख ट्विटर प्रयोगकर्ताले मतदान गरेका थिए । उनीहरुमध्ये ५८ प्रतिशत मतदाता मस्कले शेयर बिक्री गर्नुपर्ने पक्षमा उभिएका थिए ।