Logo

२०८३, मंसिर १ गते सोमवार

२०८३, मंसिर १ गते सोमवार

राप्रपा अध्यक्ष कमल थापा किन उत्रिए ओलीको समर्थनमा ?

राप्रपा अध्यक्ष कमल थापा किन उत्रिए ओलीको समर्थनमा ?

  • 655
    SHARES
  • राप्रपा अध्यक्ष कमल थापा किन उत्रिए ओलीको समर्थनमा ?

    काठमाडौं । प्रतिनिधिसभा पुनर्स्थापना गर्ने सर्वाेच्च अदालतको आदेशमा प्रधानमन्त्री ओली समर्थकको आपत्ति स्वभाविक हो । तर, राप्रपा अध्यक्ष कमल थापा ओली समर्थकभन्दा बढी यसको विरोध गर्दै मैदानमा उत्रिएका छन् । 

    प्रतिनिधिसभा पुनर्स्थापना हुनेवित्तिकै देशमा अस्थिरता बढ्ने भन्दै उनी त्यसको विरोधमा देखिए । राजनीतिक फैसला, कार्यान्वयनमा जटिलता भन्दै उनले अनेक उदाहरण दिँदै सर्वाेच्च अदालतमा गोरु व्यायो भनेर सामाजिक सञ्जालमा लेखे । सर्वाेच्चको आदेशसँगै थापा अहिले सामाजिक सञ्जालमार्फत विपक्षी गठवन्धनमा लागेका एमाले वरिष्ठ नेता माधव नेपालको विरोधमा जुटेका छन् ।

    नेपालको विरोधमा उनले सामाजिक सञ्जाल ट्वीटरमा अट्ने अक्षरको सीमाभित्र रहेर एउटा लघु कथा नै लेखेका छन् । लघु कथामा कसैको नाम नलिइ अप्रत्यक्षरुपमा नेपाल पक्षलाई प्रहार गरिएको छ ।२३ जना मेजरले आफ्नो सेनापतिसँग असन्तुष्ट भइ विदेशी फौजसँग मिलेर आफ्नै सेनापतिलाई हराएको उनको लघु कथामा उल्लेख छ । माधव नेपाल पक्षका २३ सांसदले पुनर्स्थापनाको पक्षमा हस्ताक्षर गरेर ओलीको कदमलाई पराजित गरेको सन्दर्भलाई उनले लघु कथामार्फत ब्यंग्य गरेका हुन् ।

    त्यसैगरी उनले अदालतको आदेशमाथि प्रश्न गर्दै पार्टीको टिकट, घोषणापत्र र सहयोगबाट चुनाव जित्ने अनि सरकार बनाउने बेला स्वतन्त्र हैसियतमा निर्णय गर्न पाउने कस्तो परम्परा कायम गर्न खोजि रहेका छौँ ? भनेका छन् । 

    नेपाल पक्ष विपक्षी गठवन्धमा लागेकोतर्फ औंल्याउँदै उनले एउटै पार्टीका केही सांसद सत्तापक्ष केही प्रतिपक्षमा बस्ने कस्तो संसदीय प्रजातन्त्र बनाउन खोजि रहेका छौँ ? भनेर प्रश्न उठाएका छन् । 

     

     

    Copyright © All right reserved to webtvkhabar.com Site By: Sobij