Logo

२०८३, मंसिर ३ गते बुधवार

२०८३, मंसिर ३ गते बुधवार

भूकम्प पीडितलाई अत्यावश्यक वस्तु उपलब्ध गराउनेक्रम जारी छ : मन्त्री बस्नेत

भूकम्प पीडितलाई अत्यावश्यक वस्तु उपलब्ध गराउनेक्रम जारी छ : मन्त्री बस्नेत

  • 167
    SHARES
  • भूकम्प पीडितलाई अत्यावश्यक वस्तु उपलब्ध गराउनेक्रम जारी छ : मन्त्री बस्नेत
    जाजरकोट । ऊर्जा, जलस्रोत तथा सिँचाइमन्त्री शक्तिबहादुर बस्नेतले भूकम्प पीडितको उद्धार, राहत र पुनःस्थापनाका लागि सरकारले आफ्नो सम्पूर्ण ध्यान केन्द्रित गरेको बताएका छन ।
     
    भूकम्पबाट भएको क्षतिको स्थलगत जानकारी लिँदै मन्त्री बस्नेतले पीडितका लागि तत्काल त्रिपाल, खाद्यान्नलगायत अत्यावश्यक वस्तुको उपलब्ध गराउनेक्रम जारी रहेको बताए ।
     
    भेरी र नलगाड नगरपालिकाभित्रका भूकम्प पीडितसँग भेटघाट गर्दै मन्त्री बस्नेतले राहत र पुनःस्थापनामा ढिलाइ नहुने प्रतिवद्धता व्यक्त गरेका थिए । भूकम्पबाट भेरीको तुलनामा नलगाड नगरपालिकामा बढी मानवीय क्षति हुनाका साथै भौतिक संरचनामा हानि पुगेको छ ।
     
    भेरी-३ थाप्ले, भेरी-१ रिम्ना, नलगाड-१ को पाली कल्पत र नलगाडका वडा नं-४, ५ र ६ मा उनले बिहीबार स्थलगत जानकारी लिएका थिए । मन्त्री बस्नेतसँग पीडितले अब चिसोबाट जोगिनका लागि आवश्यक पहल गर्न आग्रह गरेका थिए ।
     
    नलगाड-५  भारगाउँका परिमल सुनारले त्रिपाल मात्रै पर्याप्त नभएकाले अस्थायी टहरा निर्माण गरेर पुनःस्थापनाको कामलाई ध्यान दिन मन्त्री बस्नेतसमक्ष आग्रह गरे । 

    Copyright © All right reserved to webtvkhabar.com Site By: Sobij