वेबटिभी खबर
![छठको अवसरमा नेता साहबाट सर्लाहीका विभिन्न जलाशय भ्रमण [तस्बिरहरू]](https://ww.webtvkhabar.com/media-file/images/2022/11/1667277689-KYlmB.jpg)
सर्लाही । छठ पर्वको अवसरमा पूर्व सभासद एवम् समाजसेवी नरेन्द्र साह सर्लाही निर्वाचन क्षेत्र नम्बर ३ का विभिन्न स्थानहरूमा पुगेका छन् ।
बरहथवाको हिरापुरबाट सुरु गरेर बसबरियाको धनगढा, गोनर्वा, सोहोर्वा, बरहथवाको कटानी, करोरिया, श्रीपुर, कबिलासीको हेमपुर, बहेरिया, पछगछिया, जमुनियालगायतका क्षेत्र पुगेका थिए ।
छठको दोस्रो दिन बाग्मती नदीमा सूर्यलाई अर्घ दिएर बिसर्जन गरिएको थियो । नेपालको विशेषगरी तराई, मधेस क्षेत्रमा मनाइने छठ पर्व हाल काठमाडौं उपत्यकालगायत अन्य पहाडी तथा हिमाली जिल्लाहरूमा समेत हर्षोल्लाका साथ मनाइन्छ ।
कात्तिक शुक्ल चतुर्थीदेखि पञ्चमी, षष्ठी र सप्तमीका दिनसम्म नदी, तालतलैया वा पोखरीका किनारमा अस्ताउँदो र उदाउँदो सूर्यलाई दूधको अर्घ दिएर यो चाड मनाइन्छ ।
यस पर्वमा सूर्य देवता र छठी माताको पूजा अर्चना गरी छठको व्रत विधिपूर्वक सम्पन्न गर्नाले मनोवाञ्छित फल पाइने, समाज र परिवारको कल्याण हुने तथा आफ्ना सम्पूर्ण कष्ट हटेर जाने जनविश्वास छ ।
‘छठले मौलिक संस्कृतिको संरक्षण तथा सम्बर्द्धन गर्दै सबै नेपालीहरूमा आपसी सद्भाव, सहिष्णुता र बन्धुत्वको भावनालाई प्रगाढ बनाउँछ,’ नेता साहले भने, ‘यसले राष्ट्रिय एकतालाई थप सुदृढ गर्ने विश्वास छ ।’
Copyright © All right reserved to webtvkhabar.com Site By: Sobij
