वेबटिभी खबर
काठमाडौं । नयाँ सरकार गठनका लागि नेकपा माओवादी केन्द्रको प्रयास असफल देखिएको छ ।
पार्टी कार्यालय पेरिस डाँडामा बसेको स्थायी समितिको बैठकले नयाँ सरकारको सम्भावना टरेको निष्कर्ष निकालेको छ ।
राष्ट्रपतिले दिएको समयभित्र बहुमत प्रस्तुत गर्ने आधार जनता समाजवादी पार्टीको महन्थ ठाकुर र एमालेको माधव नेपाल पक्षका कारण सम्भव नभएको निष्कर्ष माओवादीले निकालेको हो ।
बैठकमा अध्यक्ष पुष्पकमल दाहाल प्रचण्डले दलहरुसँगका बार्ता र प्रयासका बारेमा जानकारी गराएका थिए ।
अध्यक्ष प्रचण्डले माधव नेपाल पक्षको राजीनामा नआएको र महन्थ पक्षले केपी ओलीलाई नै साथ दिएका कारण अबको प्रधानमन्त्री ओली नै बन्ने सम्भावना देखिएको बैठकमा उपस्थित नेतालाई जानकारी गराएका थिए ।
बिहीबार दिउँसो नेपाली कांग्रेसका सभापति शेरबहादुर देउवानिवास बुढानिलकण्ठमा देउवा–प्रचण्ड छलफल भएको थियो । सो छलफलमा देउवाले नेपालपक्षले सामुहिक राजीनामा दिए र जसपामा ठाकुर–महतो पक्षले साथ दिए आफूहरु नेतृत्वकै नयाँ सरकार बन्ने आश्वासन दिएका थिए ।
तर नेपाल पक्षले तत्काल राजीनामा नदिने र ठाकुर–महताेले ओलीलाई नै सघाउने भएपछि नयाँ सरकार गठनका लागि माओवादी तत्काल असफल भएको धारणा पनि बैठकमा प्रचण्डले राखेका थिए ।
Copyright © All right reserved to webtvkhabar.com Site By: Sobij
