वेबटिभी खबर
काठमाडौं । लोकतान्त्रिक समाजवादी पार्टी, नेपाल (लोसपा)ले ३ असोजलाई विरोध दिवसको रूपमा मनाउने भएको छ ।
बबरमहलस्थित केन्द्रीय कार्यालयमा शुक्रबार बसेको लोसपाको केन्द्रीय कार्यकारिणी समिति बैठकले यस्तो निर्णय गरेको हाे ।
बैठकमा आसन्न निर्वाचनका लागि समानुपातिकतर्फको उम्मेदवारको बन्दसूची बुझाउनेलगायतका विषयमा छलफल भइरहेको एक नेताले जानकारी दिए ।
३ असोजका दिन सरकारले संविधान दिवस मनाउँदै आएको छ । तर लोसपाले भने उक्त दिनमा विरोधसभा गर्ने गरेकाे छ ।
३ असोज २०७२ मा नेपालमा संविधान जारी भएको थियो । संविधान दिवसकाे दिन सरकारले सार्वजनिक बिदासमेत दिने गरेको छ ।
Copyright © All right reserved to webtvkhabar.com Site By: Sobij