Logo

२०८३, मंसिर १ गते सोमवार

२०८३, मंसिर १ गते सोमवार

आगामी तीन दिन यी प्रदेशमा भारी वर्षाको आँकलन

आगामी तीन दिन यी प्रदेशमा भारी वर्षाको आँकलन

  • 452
    SHARES
  • आगामी तीन दिन यी प्रदेशमा भारी वर्षाको आँकलन

    काठमाडौं । हाल देशभर मनसुनी वायुको प्रभावले आंशिक देखि सामान्य बदली रही प्रदेश १, बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका केही स्थानमा वर्षा भइरहेको छ । 

    मौसम पूर्वानुमान महाशाखाका अनुसार आज मंगलबार प्रदेश १, गण्डकी प्रदेश, लुम्बिनी प्रदेश, सुदूरपश्चिम प्रदेशको केही स्थानमा भारी वर्षाको समेत सम्भावना रहेको छ ।

    त्यस्तै बुधबार देशभर सामान्य बदली रहनेछ । देशका पहाडी भू-भागका धेरै स्थानहरूमा मेघ गर्जन/चट्याङ्गसहित हल्का देखि मध्यम वर्षाको सम्भावना रहेको महाशाखाले जनाएको छ । कर्णाली, सुदूरपश्चिम तथा बागमती प्रदेशको एक वा दुई स्थानमा भने भारी वर्षाको आँकलन गरिएको छ । 

    बिहीबार पनि सुदूरपश्चिम, लुम्बिनी तथा गण्डकी प्रदेशको एक वा दुई स्थानमा भारी वर्षाको सम्भावना रहेको र देशका केहि स्थानहरुमा मेघ गर्जन/चट्याङ्गसहित हल्का देखि मध्यम वर्षाको सम्भावना रहेको छ । 

    आगामी तीन दिन धेरै जसो स्थानमा भारी वर्षाको सम्भावना रहेकोले पहाडी भू-भागमा पहिरो तथा गेग्रान बहावको जोखिम साथै नदी नाला तथा खहरे खोलाहरूमा पानीको सतह बढ्न सक्ने भन्दै सतर्क रहन महाशाखाले अनुरोध गरेको छ ।
     

    Copyright © All right reserved to webtvkhabar.com Site By: Sobij