एजेन्सी
नयाँ दिल्ली । भारतमा पछिल्लाे २४ घण्टामा १८ हजार ८१९ जना कोरोना संक्रमणका नयाँ विरामी थपिएका छन् ।
योसँगै भारतमा कोरोनाका सक्रिय संक्रमितको संख्या एक लाखभन्दा बढी पुगेको छ । भारतको केन्द्रीय स्वास्थ्य मन्त्रालयका अनुसार हाल एक लाख चार हजार ५५५ जना सक्रिय संक्रमित उपचाररत छन् ।
यसैगरी यो अवधिमा १३ हजार ८२७ जना संक्रमित निको भएका छन भने संक्रमणकै कारण ३९ जनाको निधन भएको छ । केही दिनयता भारतमा कोरोना संक्रमित थपिने क्रम बढ्दो छ ।
कोरोना संक्रमण बढेसँगै भारतमा खोप अभियानलाई पनि तीव्र वनाइएको छ । पछिल्लो २४ घण्टामा १४ लाख १७ हजार २१७ जनालाई कोरोनाविरुद्धको खोप लगाइएको सरकारी तथ्यांकमा उल्लेख छ ।
Copyright © All right reserved to webtvkhabar.com Site By: Sobij