वेबटिभी खबर
काठमाडाैं । तारा एयरको विमान दुर्घटनामा परेका १४ जनाको शव फेला परेको छ ।
नेपाल नागरिक उड्ययन प्राधिकरणका अनुसार विमानमा सवार २२ मध्ये हालसम्म १४ जनाको शव फेला परेको हो ।
नेपाली सेना, शसस्त्र प्रहरीलगायत सुरक्षाकर्मीहरू घटनास्थलमा पुगेर उद्धार कार्य गरिरहेको छ । छरिए र चेपिएको अवस्थामा शवहरू फेला परेको सशस्त्र प्रहरीले जनाएको छ ।
प्रहरीका अनुसार यात्रुको अवस्था पहिचान, सुरक्षित रहेका सामान शंकलन गरी मुचुल्का तयार पारेपछि हेलिकोप्टरबाट काठमाडौं ल्याउने योजना छ ।
आइतबार बिहान हराएको विमान आज बिहान मुस्ताङको थासाङ गाउँपालिका–२ को सानोसरे भन्ने ठाउँमा दुर्घटनाग्रस्त अवस्थामा भेटिएको हो ।



Copyright © All right reserved to webtvkhabar.com Site By: Sobij