वेबटिभी खबर
काठमाडौं । सरकारले आगामी जेठदेखि साताको दुई दिन शनिबार र आइतबार बिदा दिने निर्णय स्वास्थ्य संस्था (अस्पताल)मा पनि दिने तयारी गरिएको छ ।
स्वास्थ्य तथा जनसंख्या मन्त्रालयले सरकारको निर्णयअनुसार दुई दिन सार्वजनिक बिदाअनुसार नै स्वास्थ्य संस्था (अस्पताल)मा पनि बिदा दिने तयारी गरेको हो ।
मन्त्रालयका डा.रोशन पोखरेलले सरकारको निर्णयअनुसार मन्त्रालयले पनि अस्पतालमा दुई दिन बिदा दिने बताए । ‘सरकारले गरेको निर्णयअनुसार अस्पतालमा पनि दुई दिन बिदा हुन्छ’, उनले भने, ‘तर पनि हामीले बिरामीको अवस्थालाई मध्यनजर गर्दै अन्य वैकल्पिक उपायबारे पनि छलफल गरिरहेका छौं ।’
अस्पतालमा दुई दिन बिदा दिँदा अन्य दिन बिरामीको भीड हुने सम्भावना रहेको छ । सचिव डा.पोखरेलले आकस्मिक सेवालाई भने व्यवस्थित बनाइने बताए । सरकारले जेठदेखि सरकारी कार्यालय बिहान ९ः३० बजेदेखि बेलुका ५ः३० बजेसम्म सञ्चालन हुनेछ ।
Copyright © All right reserved to webtvkhabar.com Site By: Sobij
