वेबटिभी खबर
इलाम । अखिल (क्रान्तिकारी) का निवर्तमान अध्यक्ष रन्जित तामाङले देश लुटेको पैसाले एमालेले चितवनमा भोज गरिरहेको आरोप लगाएका छन् ।
नेकपा (माओवादी केन्द्र) माइनगरपालीका इलामको नगर सम्मेलनलाई बिहीबार सम्बोधन गर्ने क्रममा तामाङले चितवनमा पार्टी अधिवेशन गरिरहेको पार्टी नेकपा एमालेमाथि यस्तो आरोप लगाएका हुन् ।
तीन वर्ष बढी जनताको मतको अपमान गर्दै ओलीले मजाक र ठट्टा गरेर बिताएको भन्दै तामाङले केपी ओली नेतृत्वको सरकारको भ्रस्टाचार छानबिन हुनुपर्ने बताए ।
तामाङले ओली सरकारले मुलुकमा कहिल्यै नभएको भ्रस्टाचार गरेको आरोप समेत लगाए । उनले भने, ‘केपी ओली सरकारले इतिहासमा पहिले कहिल्यै नभएको भ्रस्टाचार गरेको छ । देश लुटेको पैसाले नारायणी किनारमा ‘पिकनिक’ आयोजना गरेर धुलो उडाइरहेको छ । हामी ओली सरकारका पालाम भएको भ्रस्टचारमाथि छानविनको माग गर्दछौं ।’
Copyright © All right reserved to webtvkhabar.com Site By: Sobij