वेबटिभी खबर
काठमाडौं । लोकतान्त्रिक समाजवादी पार्टी (लोसपा) ले आइतबार वृहत विचार गोष्ठी आयोजना गरेको छ । ३ असोजमा संविधान दिवसलाई कालो दिनका रूपमा मनाउँदै पार्टीले विचार गोष्ठी आयोजना गरेको हो ।
३० असोजमा पार्टीका अध्यक्ष महन्थ ठाकुरले आइतबार कालो दिनका रूपमा मनाउन सबै जिल्ला कमिटीलाई सर्कुलर गरेका थिए । संविधानमा पिछडा वर्ग, मुस्लिम, आदिवासी, जनजाति, मधेसीलगायत सीमान्तकृत जनताको पहिचान र अधिकार नसमेटिएको भन्दै लोसपाले संविधानप्रति असन्तुष्टि जनाउँदै आएको थियो ।
‘आजको विचार गोष्ठीमा संविधानमा कायमै रहेको मधेसी जनताको अधिकार र पहिचानविरुद्ध विभेदकारी धारा र व्यवस्थाका बारेमा शीर्ष नेताहरूले विचार व्यक्त गर्नुहुनेछ,’ पार्टीका केन्द्रीय सदस्य केशव झाले भने ।
पार्टीको बागमती प्रदेश कमिटीले केन्द्रीय कार्यालय बबरमहलमा दिउँसो साढे १२ बजे गोष्ठी आयोजना हुने झाले जानकारी दिए ।
Copyright © All right reserved to webtvkhabar.com Site By: Sobij
