वेबटिभी खबर
काठमाडौं । कोरोना विरुद्धको ‘भेरोसेल’ खोपको दोस्रो डोज आउँदो शुक्रबारबाट लगाइने भएको छ । यो खोप अभियान ३ दिनसम्म सञ्चालन हुनेछ । स्वास्थ्य कार्यलय काठमाडौंकाअनुसार ५० वर्ष वा सो भन्दा माथीका समुहका नागरिकलाई भाइरसविरुद्धको दोस्रो डोज दिइने छ ।
यसकासाथै विश्व विद्यालय र विद्यालयका प्राध्यापक,शिक्षक, कर्मचारी, सार्वजनिक यातायातका चालक र सहचालक, नेपाल सरकारले तोकेका अत्यावश्यक सेवामा कार्यरत व्यक्ति, खोप अनिवार्य गरेका देश जाने नेपाली नागरिक तथा यसअघि भेरोसेलको दोस्रो मात्रा लगाउन छुट भएका अन्य व्यक्तिहरुलाई लगाइनेछ ।
खोप लगाउन जाँदा भेरोसेलको पहिलो डोज लगाएको खोप कार्ड र विद्युतीय दर्ता गरेको प्रिन्ट वा फाटोसहितको नम्बर अनिवार्य लैजानु पर्नेछ । यसकासाथै कार्यलयले यस भाइरविरुद्धको खोप अभियानमा खोपको पहिलो डोज नदिइँने जनाएको छ ।


Copyright © All right reserved to webtvkhabar.com Site By: Sobij