वेबटिभी खबर
काठमाडौं । भरतपुर महानगरपालिकाकी मेयर रेनु दाहालको सक्रियतामा महानगर क्षेत्रका २८ स्थानमा जमिन सिँचाइका लागि डिप बोरिङ निर्माणका लागि ठेक्का लगाई निर्माण कार्य सुरु गरिएको छ ।
महानगर पश्चिम क्षेत्र निर्वाचन क्षेत्र नम्बर तीनभित्रका कृषियोग्य जमिनमा सिँचाइका लागि पर्याप्त पानी उपलब्ध गराउनका लागि डिप बोरिङ जडान गरिएको हो ।
संघीय सरकारको भुमिगत सिँचाइ आयोजनाअन्तर्गत महानगरपालिकाको सक्रियतामा २८ स्थानमा डिप बोरिङ जडानकालागि ठेक्का लगाई निर्माणकार्य सुरु भएको मेयर दाहालले जानकारी दिइन् । महानगरपालिकाका १४, २४, २५, २७ र १८ लगायतका वडामा काम सम्पन्न भएको र केही दिनमै बोरिङ सञ्चालनमा आउने उनको भनाइ छ ।
‘बाँकी स्थानको काम अगाडि बढ्ने क्रममा रहेको छ । यसले पक्कै पनि आउने दिनमा सिँचाइका लागि पानीको अभावलाई परिपूर्ति गरी किसानको समस्या समाधान गर्ने विश्वास लिएका छौं,’ मेयर दाहालले भनिन् ।
Copyright © All right reserved to webtvkhabar.com Site By: Sobij
