काठमाडौं– प्रमुख प्रतिपक्षी दल नेकपा एमालेको स्थायी कमिटी र केन्द्रीय कमिटी बैठक आज बस्ने भएको छ। पार्टी कार्यालयका सचिव शेरबहादुर तामाङका अनुसार तुलसीलाल स्मृति भवनमा सोमबार बिहान ११ बजे स्थायी कमिटी बैठक बस्नेछ। यस्तै अपरान्ह ३ बजे केन्द्रीय कमिटी बैठक बस्ने तामाङले जानकारी दिए।
दशौं महाधिवेशन गर्न आवश्यक तयारीका लागि भन्दै एमालेले बैठक बोलाएको हो। एमालेमा अध्यक्ष केपी शर्मा ओली र वरिष्ठ नेता माधवकुमार नेपाल पक्षले छुट्टा छुट्टै बैठक गरिरहेका छन्। लामो समयदेखि अध्यक्ष ओली र नेपाल पक्षबीच विभिन्न विषयमा विवाद छ।
गत साउन ३ मा प्रधानमन्त्री शेरबहादुर देउवालाई नेता नेपालसहित २२ सांसदले विश्वासको मत दिएपछि ओली र नेपालबीच थप तिक्तता उत्पन्न भएको छ।
Copyright © All right reserved to webtvkhabar.com Site By: Sobij
