वेबटिभी खबर
काठमाडौं । फिफा विश्वकप २०२६ अन्तर्गत समूह ‘एफ’ को खेलमा नेदरल्यान्ड्सको शानदार जित भएको छ । ह्युस्टन स्टेडियममा भएको खेलमा नेदरल्यान्ड्सले स्विडेनलाई ५-१ गोल अन्तरले पराजित गरेको हो ।
कोडी गाक्पो र ब्रायन ब्रोबेयले समान दुई/दुई गोल गरे भने क्रिसेन्सियो समरभिलले एक गोल गरेका थिए । खेलको पाँचौँ मिनेटमै ब्रोबेयले गोल गर्दै नेदरल्यान्ड्सलाई अग्रता दिलाए । १७औँ मिनेटमा डेन्जेल डम्फ्रिसको क्रस डिफ्लेक्ट हुँदै ब्रोबेयको सामु पुगेपछि उनले दोस्रो गोल गरे ।
दोस्रो हाफ सुरु भएको दुई मिनेटमै गाक्पोले नेदरल्यान्ड्सको अग्रता ३-० बनाए । ५४औँ मिनेटमा गाक्पोले दोस्रो गोल गर्दै स्कोर ४-० पुर्याए । ५९औँ मिनेटमा स्विडेनका वैकल्पिक खेलाडी एन्थोनी एलाङ्गाले उत्कृष्ट फिनिसिङमार्फत एक गोल फर्काए । तर खेलको अन्त्यतिर समरभिलले गोल थप्दै नेदरल्यान्ड्सको ५-१ को शानदार जित सुनिश्चित गरे । यो नतिजासँगै नेदरल्यान्ड्स चार अंकसहित समूहको शीर्ष स्थानमा पुगेको छ ।
Copyright © All right reserved to webtvkhabar.com Site By: Sobij
