काठमाण्डौं । लुम्बिनी प्रदेशका प्रमुख अमिक शेरचनले संविधानले निर्दिष्ट गरेका अधिकारभन्दा बाहिर जाने छुट नभएको बताएका छन् । शुक्रबार बुटवलस्थीत प्रदेश प्रमुखका कार्यालयमा पदभार ग्रहण गर्दै उनले संविधानलाई आफू अनुकूल व्याख्या गर्ने र संविधानको मर्म र भावनाभन्दा फरक रुपमा जाने छुट कसैलाई पनि नभएको बताएका हुन् ।
प्रमुख शेरचनले विद्यामान समावेशी र समानुपातिक सहितको सङ्घीय व्यवस्था अन्र्तराष्ट्रिय जगतका लागि उदाहरणीय भएको जनाउँदै संविधानअनुसार यो व्यवस्थाको सही कार्यान्वयन गर्नुपर्ने उल्लेख गरे । गाउँ तथा विकट बस्तीमा बस्ने जनताको जीवनस्तर उठाउने काममा पहिलो प्राथमिकता दिन उनले प्रदेश सरकारलाई आग्रह गरे । त्यस्तै उनले विपन्न जनताको जीवनस्तर माथि उठेमा मात्र आर्थिक समृद्धि हाँसिल गर्न सकिने बताए ।
Copyright © All right reserved to webtvkhabar.com Site By: Sobij
