वेबटिभी खबर
ब्राजिल । ब्राजिलमा २४ घन्टा यता एक लाखभन्दा बढी मानिसमा कोरोना संक्रमण पुष्टि भएको छ ।
त्यहाँका स्वास्थ्य अधिकारीका अनुसार यो अवधिमा एक लाख ८ हजार नयाँ संक्रमित थपिएका हुन् ।
कोरोना संक्रमित बढेपछि यहाँको जनजीवन प्रभावित भएको छ । यो अवधिमा १३ सय २४ जनाको निधन भएको स्थानीय अधिकारीले बताएका छन् । योसमेत संक्रमणबाट अहिलेसम्म ब्राजिलमा ५ लाखभन्दा बढीको ज्यान गइसकेको छ ।
ब्राजिलको स्वास्थ्य मन्त्रालयले पछिल्लो समय संक्रमित हुनेको संख्या बढेको जनाएको छ । त्यसैगरी मृत्यु हुनेहरुको संख्या पनि केही हप्ता अघि घटेको देखिएकोमा अहिले बढेको छ ।
ब्राजिलको साओ पाओलो शहर सुरुदेखि नै यो संक्रमणको केन्द्रविन्दुको रुपमा रहेको पाइएको छ । अमेरिकापछि कोरोना संक्रमणबाट सबैभन्दा बढी मृत्यु हुनेमा ब्राजिल दोस्रो नम्बरमा छ ।
Copyright © All right reserved to webtvkhabar.com Site By: Sobij
