वेबटिभी खबर
सर्लाही । मधेसमा केही दिन यता लगातार शीतलहर चलिरहेको छ । जाडोमा घाम नलाग्दा मधेसको जनजीवन कष्टकर बनेको छ ।
शीतलहरका कारण अचानक बढेको जाडाेले नागरिक प्रभावित बनेपछि सर्लाहीमा भने एक जना समाजसेवीले आगो ताप्न दाउरा वितरण गरेका छन् । सर्लाही क्षेत्र नम्बर ३ का संविधानसभा सदस्य एवं समाजसेवी नरेन्द्र साहले सो क्षेत्रका गाउँ, टोल, चोक तथा चौतारामा आगो ताप्ने व्यवस्था मिलाएका हुन् ।
शीतलहर बढेर जनजीवन कष्टकर बनेपछि पूर्वसांसद साहले आफ्नो क्षेत्रमा दाउरा वितरण गरेर आगो ताप्ने व्यवस्था मिलाइ दिएकोमा स्थानीयले खुसी व्यक्त गरेका छन् ।
जिल्लामा जुनसुकै संकट आइपर्दा सहयोग गर्दै आएका साहले जाडोमा आगो ताप्ने व्यवस्था मिलाएर धेरै ठूलो गुन लगाएको स्थानीयको भनाइ छ ।
साहले जनतालाई दुःख पर्दा जनताको साथमा रहनु नै आफ्नो कर्तव्य भएको प्रतिक्रिया दिए । आफ्नो सहयाेगले जाडोबाट थोरै भए पनि जनताले राहत महसुस गर्न पाउँदा आफूलाई पनि सुखद अनुभुति भएको उनले बताए । जाडोबाट कठ्याँग्रिएर कसैले पनि मर्ने अवस्था नआओस् भन्ने उद्देश्यले दाउरा वितरण गरेको उनी बताउँछन् ।
नरेन्द्र साहले सांसद हुँदा पनि र नहुँदा पनि वास्तविक जनप्रतिनिधिको भूमिका निर्वाह गरेको भन्दै स्थानीयले उनको कामको प्रशंसा गरे ।
Copyright © All right reserved to webtvkhabar.com Site By: Sobij
