मुकेश झा
सर्लाही । सर्लाहीको ब्रह्मपुरीमा आज बिहान पोखरीमा नुहाउन गएका एक बालकको डुबेर मृत्यु भएको छ । ब्रह्मपुरी गाउँपालिका–२ का ६ वर्षीय बालक अंकित साहको डुबेर मृत्यु भएको हो ।
घर नजिकैको रामजानकी मठको पोखरीमा डुबेर बालकको मृत्यु भएको जिल्ला प्रहरी कार्यालय सर्लाहीले जनाएकाे छ । बालकको शव गाउँलेले पोखरीबाट निकालेका थिए । बालक डुबेको सूचना पाएपछि प्रहरी घटनास्थलमा पुगेको थियो ।
घटनास्थलको प्रकृति मुचुल्का गरी बालकको शव पोष्टमार्टमका लागि प्रादेशिक अस्पताल मलंगवा लगिएको छ ।
Copyright © All right reserved to webtvkhabar.com Site By: Sobij
